今年疫情放唔晒啲假，大家公司有冇酌情處理呀？
我有個任職HR嘅朋友表示，老細較早前捉佢入房開會，商討唔同方案解決大假嘅問題，老細想佢提議下應該點做，我朋友主張畀員工延遲放晒同埋可以累積，連埋下年嘅大假一齊計，畢竟大部分國家仲未開放畀旅遊人士，就算飛到亦都要隔離，加上早排又限聚令又禁晚市，即使留喺香港都好難周圍去，清唔晒大假真係非戰之罪。
老細：「都係唔好喇，叫大家年底前放晒啦，唔係就cancel。」
「而家時間好少，同一個department又好難放晒啲人，最近多返少少生意，到時各部門阿頭唔批假，班同事實唔開心。」
老細：「唔開心都冇辦法㗎！」
「但係你頭先叫我提議幾個方案吖嘛，或者畀大家延遲清假，set個期限，例如去到下年3月前要放晒2020啲假囉！」
老細：「唔好喇，積嚟積去又係亂。」
「唔會，我計之嘛，又有system。」
老細：「無謂啦！唔好煩，全部人年底前清晒啲假啦！」
睇文字就短短幾句，其實我朋友同老細開會開咗兩粒幾鐘，講到聲都拆埋，但原來所有嘢係白費，因為老細根本就「假民主」，問意見前已經有答案，咁當初唔使開會啦，直接下達令咪得囉，扮咩咨詢民意啫？
「躁到爆，講到喉嚨都痛，如果咩都要ban，佢閂埋門決定咪得囉！點解要整場大龍鳳啫？」聽住我朋友呢把拆晒嘅爛聲，好嬲又發唔到力嗌出嚟，終於明白咩叫無聲吶喊。
我：「係咁㗎喇，所以我寧願啲老細同上司係一言堂，條路自己揀，衰咗唔好喊，最憎就係假民主，傾完一大輪先知道原來冇得揀，嘥時間。」
「有時嬲嬲地真係想唔撈，有冇工介紹？出嚟打邊爐先講啦，反正最近食肆放寬咗，要發洩下。」
我：「咁躁底仲打乜鬼邊爐呀？同埋呢，講咗十萬八千次我已經冇做headhunt，而家做廣告呀！工就冇得介紹喇，再介紹多次同健嘅 #清熱利咽沖劑畀你啦！清熱又潤喉，躁嚟有乜謂吖，一飲見效即刻舒服晒，你話喉嚨痛吖嘛！成日開會廢噏吖嘛！啱㗎喇！踏入秋冬仲要開始乾燥，你平時開口埋口就打邊爐BBQ，咁熱氣真係要注意下。」
「醫得好喉嚨同個肺，醫唔到我個心，同埋你扮咩啫，見你fb之前先去瀝源打邊爐。」
我：「所以咪費事成日邊爐邊爐囉，上火呀！嗱，講單嘢畀你聽，唔係要鬥慘，只係想你知道衰老細同刻薄公司呢啲嘢永遠低處未算低，我有朋友間公司要員工work from home，然後當佢哋放大假咁扣。」
「Work from home都要做公司嘢㗎喎，有時仲忙過返office，咁都要扣大假？」
我：「係呀！完全係夾硬嚟㗎！我仲知道有唔少公司拎完保就業筆錢一排就炒人，唔係話你老細唔衰，只係個市唔穩定就特別多妖魔鬼怪出現，所以睇定啲先，唔好一時衝動。」
「唉，我都係收線再返出去做嘢先。」
好工同埋好老細都係可遇不可求，反而同健清熱利咽沖劑而家做緊優惠，即日起至10月31號特價$124（原價$168），HKTVmall同埋華潤堂有售，link都擺埋喺下面，最緊要係養好身體先，健健康康就幾時跳槽都得啦！
HKTVMall Link: http://bit.ly/2R0A60H
#清熱又潤喉 #一飲舒服晒 #同健清熱利咽沖劑 #清熱利咽沖劑 #同健 #潤喉 #生津 #舒緩喉嚨痛 #清肺 #潤喉護肺 #香港製造
Search